MD: აზარი 80%-ით "ბარსელონელია"

კატალონიური Mundo Deportivo-ს მიერ გავრცელებული ინფორმაციით, "ჩელსის" ერთ-ერთ ლიდერი ედენ აზარი "ბარსელონაში" გადასვლასთან ახლოსაა.

წყაროს ცნობით, "ბარსელონა" მზადაა ანტუან გრიზმანის ტრანსფერისთვის გამოყოფილი 100 მილიონი ევრო ბელგიელ ნახევარმცველში გადაიხადოს. "ჩელსი" 120 მილიონს ითხოვს, მაგრამ სხვაობა იმხელა არაა, კლუბები რომ ვერ შეთანხმდნენ. Mundo Deportivo ტრანსფერის ალბათობას 80%-ით აფასებს.

ასევე ვრცელდება თავად აზარის მოთხოვნებიც - 7-ნომრიანი მაისური და 5-წლიანი კონტრაქტი.