UEFA-მ წლის საუკეთესო თამაშად თბილისში გამართული სუპერ თასი აღიარა

ევროპული საფეხბურთო ასოციაციების გაერთიანებან (UEFA) 2015 წლის საუკეთესო მატჩად თბილისში, "ბარსელონასა" და "სევილიას" შორის გამართული დაპირისპირება აღიარა.

მიმდინარე წლის 11 აგვისტოს, თბილისში, ევროპის სუპერ თასზე, "ბარსელონამ" "სევილია" ანგარიშით 5:4 დაამარცხა.

UEFA-მ გულშემატკივრებში ჩაატარა გამოკითხვა, რომელიც მიზნად ამ ორგანიზაციის ეგიდით 2015 წელს გამართული თამაშებიდან საუკეთესოს გამოვლენას ისახავდა. გულშემატკივართა 45%-მა საუკეთესოდ სწორედ თბილისური მატჩი დაასახელა. მე-2 ადგილზე, 20%-ით, "ჩელსი"-პსჟ-ს დაპირისპირება (2:2) გავიდა, რომელსაც "რეალი"-"შალკე" (3:4) და "ლევერკუზენი"-"რომა" (4:4) მოსდევს.