”ბაიერის” განადგურება ანგარიშით 7:1 კატალონიური გუნდისთვის საუკეთესო შედეგია ჩემპიონთა ლიგაში. გთავაზობთ ამ შეხვედრის სხვა საინტერესო ფაქტებს.
– ამ შედეგით ”ბარსელონამ” საკუთარი რეკორდი გაამჯობესა. კატალონიელებს დამარცხებული ჰყავთ ”ცსკა” (სოფია) ანგარიშით 6:2.
– ევროპის ტურნირებში ”ბარსას” საუკეთესო შედეგით გამარჯვება 8:0 არის. ამ ანგარიშით კატალონიელებმა დაამარცხეს ”აპოლონ ლიმასოლი” (კვიპროსი) და ”მატადორ პუჩოვი” (სლოვაკეთი).
– ჩემპიონთა ლიგის მიმდინარე გათამაშებაში ”ბარსელონას” გოლის გატანი საშუალო მაჩვენებელი მატჩში 3.75 გოლს შეადგენს.
– ლევერკუზენის წინააღმდეგ ”ბარსელონას” ბურთის ფლობის მაჩვენებელმა 77% შეადგინა.
– პეპ გვარდიოლას შეგირდებმა 1005 გადაცემიდან 900 ზუსტად შეასრულეს. შედარებისთვის, ”ბაიერმა” სულ 212 გადაცემა გააკეთა.
– ყველაზე ზუსტი მეპასე სესკ ფაბრეგასი იყო, რომელმაც 131 პასიდან ზუსტად 117 შეასრულა.
– მესიმ კარში დარტყმული 6 ბურთიდან 5 გოლად აქცია. გუნდები საერთოდ ძალიან ეფექტურები იყვნენ, რადგან ”ბარსამ” კარში სულ 10-ჯერ დაარტყა, ”ბაიერმა” კი ერთადერთი დატყმა გამოიყენა და გოლი გაიტანა.
– უკვე 1/8 ფინალურ ეტაპზე ლეო მესიმ საკუთარი შარშანდელი მიღწევა გაიმეორა და 12 გოლი გაიტანა. ეს კი ჩემპიონთა ლიგის რეკორდია.
