"ბარსელონა" – "რეალი". მატჩის საუკეთესო მოთამაშე

გუშინ "ბარსელონამ" კიდევ ერთი თასი შეჰმატა საკუთარ მუზეუმს – ესპანეთის სუპერთასი.

ესპანეთის სუპერთასის ფინალის საპასუხო შეხვედრა, რომელიც "კამპ ნოუზე" გაიმართა, კატალონიელების გამარჯვებით დასრულდა. ანგარიში ანდრეს ინიესტამ გახსნა და გუნდი დააწინაურა. მადრიდელებმა მალევე შესძლეს და თამაშგარე მდგომარეობიდან გატანილი გოლით ანგარიში გაათანაბრეს. პირველი ტაიმის მიწურულს კასილიასის კარი ლეო მესიმ აიღო. მატჩის მეორე ნახევარი დაძაბული აღმოჩნდა. შეხვედრის 82–ე წუთზე ბენზემამ გაიტანა. ყველაფერი დამატებითი ტაიმისკენ მიდიოდა, თუმცა ლეო მესიმ მადრიდელებს დიდხანს სიხარულის საშუალება არ მისცა. ლეომ ფაბრეგასის მიერ წამოწყებული კომბინაციის შემდეგ ადრიანოს გადაცემით ისარგებლა და 88–ე წუთზე საკუთარი გუნდი დააწინაურა.

საბოლოოდ ტაბლოზე 3:2 დაფიქსირდა (ორი მატჩის ჯამში 5:4).