ესპანეთის თასზე ბარსელონას მეტოქე ცნობილია

ახლახან ესპანეთის თასის 1/16-ფინალური ეტაპის წილისყრა გაიმართა, რომლის დროსაც "ბარსელონას" მეტოქე გაირკვა. ჰანსი ფლიკის გუნდი კოპა დელ რეის 2025/26 წლების სეზონსა და ტიტულის დაცვას "გვადალახარათი" დაიწყებს.

როგორც ცნობილი გახდა, "ბლაუგრანა" თასის 1/16-ფინალში მესამელიგელ "გვადალახარას" დაუპირისპირდება.

ერთმატჩიანი შეხვედრა გვადალახარაში გაიმართება. თამაში 16, 17 ან 18 დეკემბერს ჩატარდება.