პარიზელი ულტრასების წერილი: მსაჯებიან ბარსელონას აუღებელი ციხესიმაგრე უნდა დავახვედროთ
"პარი სენ-ჟერმენის" რადიკალმა გულშემატკივრებმა "ბარსელონასთან" მატჩამდე ღია წერილი გამოაქვეყნეს, რომელშიც ისინი ფრანგ გულშემატკივრებს ერთიანობისკენ მოუწოდებენ.
ოთხშაბათს ჩვენი გუნდი "ბარსელონას" ხვდება. ჩვენთვის ხვალინდელი მატჩი გუშინ, "კლერმონთან" მოსმენილი საფინალო სასტვენის შემდეგ დაიწყო. ამ თამაშში გულშემატკივართა როლი ფუნდამენტალური იქნება, რის გამოც საყოველთაო და ტოტალურ მობილიზაციას ვაცხადებთ. ჩვენ უნდა გავერთიანდეთ, რათა ჩვენივე კლუბს გამარჯვებაში ხელი შევუწყოთ. მოდით, მივიდეთ სტადიონზე ნაადრევად. მოდით, ჩავიცვათ წითელი და ლურჯი მაისურები და გახურებისთვის მინდორზე შესული "ბარსელონა" ავაკანკალოთ. ეს გუნდი, რომელსაც მსაჯები ეხმარებიან, უნდა გრძნობდეს, რომ იმაზე მეტი საფრთხე მოელის, ვიდრე ეს უბრალო მტრის ტერიტორიაზე იქნებოდა.
ჩვენი მოვალეობაა, რომ ჩვენივე სტადიონი აუღებელ ციხესიმაგრედ ვაქციოთ. გუნდმა, რომელსაც მეომრის სულისკვეთება და მენტალიტეტი აქვს, ჩვენი მტკიცედ განსაზღვრული მხარდაჭერა უნდა იგრძნოს. მოდით, ერთად ავანთოთ ჩვენი ლეგენდარული სტადიონი და ვიყოთ დაუნდობლები. ჩვენი როლი გამარჯვებაში დახმარებაა და საამისოდ ერთად უნდა ვიბრძოლოთ, რადგან ასე დაუმარცხებლები ვართ.
- აქვეყნებს "პარი სენ-ჟერმენის" რადიკალი გულშემატკივრების ღია წერილს Marca.
სხვათა შორის, ამავე წყაროს მტკიცებით, პარიზელი გულშემატკივარი "ბარსელონას" მისამართით შეურაცხმყოფელ სიტყვებს "კლერმონთან" შეხვედრაშიც სკანდირებდა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 23 ]