ევროპულ ჩემპიონატებზე ჩავის ბარსას სხვა მწვრთნელებს შორის ყველაზე ცუდი შედეგი აქვს

ჩემპიონთა ლიგის მერვედფინალის პირველ მატჩში "ბარსელონა" იტალიაში "ნაპოლის" დაუზავდა, ანგარიშით 1-1. სამწუხაროდ, "ბარსას" მთავარი მწვრთნელი ჩავი ერნანდესისთვის ეს მორიგი მოუგებელი მატჩია ჩემპიონთა ლიგაზე.

ჩავის ხელში "ბლაუგრანამ" ევროპულ ჩემპიონატებზე 15 მატჩი ჩაატარა და აქედან მხოლოდ 6 მოიგო, რაც მოგების 40%-იან მაჩვენებელს ნიშნავს. სამწუხაროდ, ესპანელ თავკაცს კატალონიელთა სხვა მწვრთნელებს შორის, რომელთაც ჩემპიონთა ლიგაზე, მინიმუმ 10 მატჩი აქვთ ჩატარებული, ყველაზე ცუდი შედეგი აქვს. 

მიუხედავად წარუმატებლობისა, "ბარსელონას" კიდევ აქვს შანსი, რომ სიტუაცია შეცვალოს, "ნაპოლის" ბარიერი დასძლიოს და ჩემპიონთა ლიგაზე უფრო წინ წავიდეს.