ჩავი ერნანდესის პრესკონფერენცია სელტასთან მატჩამდე
ჩავი ერნანდესმა ვიგოს "სელტასთან" მატჩამდე ერთი დღით ადრე ჟურნალისტებთან სხვადასხვა საკითხი მიმოიხილა.
სატრანსფერო პოლიტიკა ჩვენზე გავლენას არ ახდენს. ნორმალურია, რომ ახალი მწვრთნელები და ფეხბურთელები სახელდება, თუმცა ახლა ერთიანები ვართ.
ჩვენი ხვალინდელი მეტოქე ტაქტიკურად ერთ-ერთი ყველაზე განსწავლულია. რაფაელ ბენიტესს თავისებური მეთოდები აქვს და მიმაჩნია, რომ ისინი იმაზე მეტ ქულას იმსახურებენ, ვიდრე ახლა აქვთ. მათ იციან თუ რას თამაშობენ, თუმცა ისიც ფაქტია, რომ გასვლაზე ჩვენც კარგად გამოვიყურებით.
კილიან მბაპესა და მადრიდის "რეალის" პოტენციურ კავშირზე არ ვფიქრობთ. ჩვენთვის ახლა მთავარი ისაა, რომ სეზონი კარგად დავამთავროთ და ყველაფერი ეტაპობრივად გავაკეთოთ. მბაპეს შესახებ მეტს ნურაფერს მკითხავთ, მასზე საუბარს არ ვაპირებ.
რომეუ და სერჟი რობერტო დაბრუნებასთან ერთ ნაბიჯში არიან, უნდა დავიცადოთ.
ჩემთვის ყველა თამაში საკვანძოა. "ბარსელონას" უფლება აღარ აქვს, რომ ფეხი კიდევ ერთხელ დაუცდეს, სამი ქულა აუცილებლად ასაღებია. ჩვენ ისედაც ბევრჯერ წავბორძიკდით და უკვე საკუთარ თავებზე აღარ ვართ დამოკიდებულნი.
ფრენკი დე იონგის მომავალი ნათელი და გარკვეულია, ასე არ არის? ის ჩვენთან თავს კომფორტულად გრძნობს, გადაწყვეტილებას კი თავად მიიღებს. სიმართლე გითხრათ, არ მგონია, რომ ახლა ამაზე უნდა ვსაუბრობდეთ.
"ნაპოლისთან" თამაში ხვალინდელ შემადგენლობაზე გავლენას არ იქონიებს. წინ თითო ნაბიჯს ვდგამთ და ნეაპოლზე საფიქრელად დრო დანამდვილებით გვექნება.
მარკოს ალონსო 2-3 კვირაში დაგვიბრუნდება. იმის გათვალისწინებით, რომ ბალდე გამოგვაკლდა, ის დროს მიიღებდა და ცუდია, რომ ვერ გვეხმარება.
ვცდილობთ, რომ დავარდნილი ხარისხი კვლავ მაღლა ავწიოთ. ჩვენ შეცდომების აღმოსაფხვრელად ვიდეოებს ვამზადებთ, შემდეგ მათ განვიხილავთ და ვვითარდებით.
გავი უნდა დარჩეს და ამ კლუბს მომავალში უკაპიტნოს. ჩემთვის ამაზე საუბარიც კი ზედმეტია.
არ ვიცი ივნისამდე წავალ თუ არა, მაგრამ საქმეს პოზიტიურად ვუყურებ, სხვანაირად აქ ვერ ვიქნებოდი. ახლა ჩვენ ერთიანები ვართ და ყველას ნდობა გვაქვს.
მას შემდეგ, რაც ვთქვი, რომ კლუბს ვტოვებდი, ოდნავ წნეხი მომეხსნა. მეორე მხრივ, დიდ მწუხარებას ვგრძნობ, რადგან ჩემი ოცნების კლუბს ვტოვებ.
დაცვაში ბევრი შეცდომა დავუშვით, თუმცა არამარტო დაცვაში, ასევე პრესინგის თვალსაზრისითაც. ამ მიმართულებით იგივე ხარისხი აღარ გვაქვს, როგორიც შარშან გვქონდა. მიუხედავად ამისა, განვითარების პროცესი უნდა გაგრძელდეს და საამისოდ კრისტენსენი გვყავს. არ გვსურს, რომ საპასუხო შეტევები იოლად გაგვეპაროს.
- თქვა ჩავი ერნანდესმა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 8 ]