ჩავი ერნანდესი: თუ ბოლომდე არ დავიხარჯებით, ვერაფერს ვერ მოვიგებთ
ჩავი ერნანდესმა "ალმერიას" დამარცხების (3-2) შემდეგ კომენტარი გააკეთა.
პირველ ტაიმში ცუდად ვითამაშეთ და საქმე გავირთულეთ, მაგრამ დადებითი ისაა, რომ არ დავნებდით. მეორე ტაიმში კი ნამდვილი "ბარსა" ვიხილეთ. ჩვენ მონდომება ვაჩვენეთ და მიზანს მივაღწიეთ.
ეს თამაში 2-0 ან 3-0 უნდა დასრულებულიყო, მაგრამ გუნდი იმავე სულისკვეთებას ვერ აჩვენებს, რომლითაც გასულ სეზონში თამაშობდა. ჩვენ აგრესიულობა და კონცენტრირება გვაკლია, რაც მიუღებელია.
მეტოქეს ორი გოლი ვაჩუქეთ, რაც ჩვენს მიმდინარე სეზონს საკმაოდ ზუსტად ასახავს.
რობერტო ყველასთვის სამაგალითოა. მან შესვენებაზე ფეხბურთელები გაამხნევა. სერჟი ნამდვილი ლიდერია.
კრისტენსენმა მოედანი ყვითელი ბარათის გამო დატოვა, ფერანი კი თამაშში იმიტომ ჩაერთო, რომ უფრო ეფექტიანი პრესინგი გვჭირდებოდა.
ინიაკი პენიამ ბოლო წუთზე გაკეთებული სეივით გამარჯება მოგვიტანა.
ფანების სტვენა? მათი მესმის. მე ამას არასდროს გავაკეთებდი, თუმცა გულშემატკივრის ქცევა გასაგებია.
როგორც მწვრთნელმა, ფეხბურთელებს ვუთხარი, რომ მსგავსი პირველი ტაიმი მიუღებელია. ჩვენ არ ვართ 2010 წლის "ბარსა". ეფექტიანობის ნაკლებობა აგრესიულობით უნდა ავანაზღაუროთ. თუ რაიმეს მოგება გვინდა, მოედანზე ცხოველებივით უნდა ვირბინოთ - თუ ბოლომდე არ დავიხარჯებით, ვერაფერს მივაღწევთ. მოვიგებთ თუ წავაგებთ, ლოგოს პატივისცემის ნიშნად, მოედანზე ყველაფერი უნდა გავიღოთ.
ვხედავ, რომ ფეხბურთელებს ხასიათი და მონდომება აკლიათ, რაც ჩემი პასუხისმგებლობაა და გარწმუნებთ, რომ ეს აღარ განმეორდება.
დღევანდელ შედეგზე მეტად ის მაღელვებს, რომ გუნდმა ხასიათი აჩვენოს. გასულ სეზონში ორი ტიტული სწორედ ასე მოვიგეთ.
ვფიქრობ, საერთო ჯამში დაცვაში კარგად ვთამაშობთ, მაგრამ ინდივიდუალური შეცდომები ძვირად გვიჯდება.
შვებულება კარგია, რათა განვიტვირთოთ, ოჯახებთან ერთად ვიყოთ და შემდეგ საქმეზე ვკონცენტრირდეთ.
ვიტორ როკეს სწორედ ის ინტენსივობა და მონდომება აქვს, რაზეც ვსაუბრობდი. მას გამარჯვებულის მენტალიტეტი აქვს. ვნახავთ, როგორ გაივლის ბრაზილიელი ადაპტაციას, მაგრამ მას შეუძლია, საკვანძო ფეხბურთელი გახდეს.
2010 წელს ისტორიაში საუკეთესო "ბარსა" გვყავდა, ახლა კი ასე არაა. გასულ სეზონში ტიტულები ინდივიდუალური დონის ხარჯზე არ მოგვიგია, იმიტომ მოვიგეთ, რომ გუნდი ვიყავით.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
1 2
კომენტარები [ 21 ]