ჩავი ერნანდესი ალმერიასთან მატჩის შემდეგ
ჩავი ერნანდესმა "ალმერიასთან" მატჩის შემდეგ ჟურნალისტებთან ისაუბრა:
დღეს სეზონის ყველაზე ცუდი შეხვედრა ჩავატარეთ. ძალიან გაბრაზებული ვარ.
გუნდში დაღლილობა შევნიშნე, რის გამოც როტაციისთვის უნდა მიგვემართა. ყველაფერი ვცადეთ, არაუხოც კი წინ ავწიეთ, მაგრამ ჩვენთვის კარგი დღე არ იყო.
არ ვფიქრობ, რომ პრობლემა ჩვენი მიდგომა იყო, რადგან მოგება გვსურდა, მაგრამ ენთუზიაზმი ნამდვილად გვაკლდა. ეს ყველაფერი მალე უნდა შევცვალოთ.
ხელიდან დიდებული შანსი გავუშვით. ფანებს მადლობას ვუხდი. რაც დღეს მოხდა, უპატიებელია.
ცუდად განსაკუთრებით პირველ ტაიმში გამოვიყურებოდით.
არანაირი მიზეზები - დღეს მოგებას არ ვიმსახურებდით და პასუხისმგებლობა საკუთარ თავზე უნდა ავიღოთ. "ალმერიას" ვულოცავ.
უფრო ინტენსიურები უნდა ვიყოთ, ჩვენ "ბარსა" ვართ. კარგია, რომ ლა ლიგაში უპირატესობა ჯერ კიდევ გვაქვს.
მომდევნო მატჩში დისკვალიფიცირებული ვიქნები. ზოგჯერ პროტესტს ისეთ დროს გამოვთქვამ, როცა საჭირო არაა.
პაბლო ტორე და ანხელ ალარკონი თამაშში კარგად ჩაერთნენ. პაბლო შესანიშნავად ვარჯიშობს და დღეს ცდილობდა, ლევანდოვსკის გატანაში დახმარებოდა, მაგრამ ეს რთული იყო.
აუცილებლად მოვუმატებთ, მაგრამ ლა ლიგის მარტივად მოგება არ გამოვა. "რეალ მადრიდთან" ვიბრძოლებთ.
ამ სიახლეზე კომენტარები გათიშულია.
კომენტარები [ 14 ]