რაფინია პორტუსთან ძირითად შემადგენლობაში ითამაშებს | Mundo Deportivo

"ბარსელონა" ჩემპიონთა ლიგის ჯგუფური ეტაპის მე-5 ტურის მატჩში "პორტუს" უმასპინძლებს.

ეს შეხვედრა კატალონიელთათვის უმნიშვნელოვანესია, ვინაიდან მათ მსგავსად პორტუგალიელებსაც 9 ქულა აქვთ მოგროვებული და პირველი ადგილისთვის ბრძოლას ისინიც შეეცდებიან. როგორც Mundo Deportivo-ს ჟურნალისტი, გაბრიელ სანსი წერს, აღნიშნულ მატჩში ძირითად შემადგენლობიდან თამაშს რაფინია დაიწყებს, რაც იმას ნიშნავს, რომ 16 წლის ლამინ იამალი, დიდი ალბათობით, სათადარიგოთა სკამზე იქნება.

"რაიო ვალიეკანოსთან" გასულ შეხვედრაში (1-1) რაფინია მოედანზე ცვლილებიდან შევიდა და თამაში კარგად გაამწვავა. შეხვედრის მიწურულს კი ბრაზილიელი მეტოქის საჯარიმოში წააქციეს და აშკარა თერთმეტმეტრიანი არ დანიშნეს, რასაც ბევრი გამოხმაურება მოჰყვა.