ბარსელონა მამადუ ფალის ტრანსფერზე მუშაობს

ტონი ხუანმარტის ინფორმაციით, "ბარსელონა" "ლოს ანჯელესის" ფეხბურთელის, მამადუ ფალის შეძენას ცდილობს. 

20 წლის სენეგალელი მცველი მოლაპარაკებებს "ვილიარეალთან" აწარმოებდა, მაგრამ კატალონიური კლუბის გამოჩენის შემდეგ ყველაფერი შეჩერდა. "ბარსა" ოპტიმისტურადაა განწყობილი, მაგრამ ფრთხილად მოქმედებს, რადგან ტიუდორ მენდელ-იდოვუს ჩაშლილი ტრანსფერი კარგად ახსოვს.

"ლურჯ-ბროწეულისფერებს" ახალგაზრდა უკანახაზელის დამატება "ბარსა ატლეტიკისთვის" სურთ.

The Athletic-ის ცნობით, "ბარსელონა" ფალთან მოლაპარაკებებს წარმატებით აწარმოებს.

მამადუ MLS-ში ყველაზე ძვირადღირებული ახალგაზრდა ფეხბურთელია. ის გასულ სეზონში "ვილიარეალის" სარეზერვო გუნდში იყო განათხოვრებული და 1 მატჩი ლა ლიგის ეგიდით პირველ გუნდშიც ჩაატარა.

სენეგალელი "ლოს ანჯელესში" 2021 წელს გამოჩნდა და მას შემდეგ, პირველი გუნდის რიგებში მონაწილეობა 42 შეხვედრაში მიიღო - ამერიკული კლუბის მაისურით ფალის ანგარიშზე 6 გოლი და 1 ასისტია.