ბარსელონა ბერნარდუს შორდება და ნეიმარს უახლოვდება
ბოლო რამდენიმე საათის განმავლობაში "ბარსელონას" სატრანსფერო მიზნებში სიტუაცია მნიშვნელოვნად შეიცვალა.
ცნობილია, რომ "ბლაუგრანამ" "მანჩესტერ სიტის" ბერნარდუ სილვას ტრანსფერთან დაკავშირებით ოფიციალურად მიმართა, თავად ფეხბურთელმა კი კლუბს გაშვება სთხოვა.
ბოლო დღეებში რამდენჯერმე გავრცელდა ინფორმაცია, რომ "ბარსაში" დაბრუნების სურვილი კიდევე ერთხელ გამოთქვა ნეიმარმა.
გავრცელებული ცნობებით ჩავი ნეიმარის დაბრუნების წინააღმდეგია, ხოლო ჟოან ლაპორტას "ბლაუგრანას" მაისურით ხილვა სურს.
ზოგიერთი ჟურნალისტის ინფორმაციით ნეიმარი ბერნარდუ სილვას ალტერნატივად განიხილებოდა.
ბოლო საათებში სიტუაცია შეიცვალა. "სიტი" სილვას გაშვებაზე კვლავ უარს აცხადებს და ფეხბურთელს ახალ კონტრაქტს სთავაზობს. ფეხბურთელს თავისი მომავლის გადაწყვეტა ეჩქარება და მას არ შეუძლია, "ბარსელონას" მუდმივად ელოდოს, რის გამოც ის "ქალაქელებთან" ახალი ხელშეკრულების გაფორმებაზე ფიქრობს. მატეო მორეტოს მიერ ცოტა ხნის წინ გავრცელებული ინფორმაციის თანახმად პორტუგალიელი შემტევი ნახევარმცველი ინგლისურ გუნდში დარჩენასთან ახლოსაა.
ამის პარალელურად ჟერარ რომერო იტყობინება, რომ ნეიმარის "ბარსელონაში" დაბრუნება რეალურია. თუ კლუბმა ჩავი დაითანხმა, მაშინ ყველაფრის დაჩქარება იქნება შესაძლებელი. საუბარია ერთწლიან იჯარაზე და ბრაზილიელის ხელფასის მნიშვნელოვნად შემცირებაზე. გაიჟღერა ანაზღაურების ნახევარზე მეტად დაკლების ვერსიამაც.
ნებისმიერ შემთხვევაში წინ ძალიან საინტერესო 3 კვირა გველის.
ამ სიახლეზე კომენტარები გათიშულია.
კომენტარები [ 28 ]