ბარსელონამ ფრანგი მცველის უფასოდ დამატებაზე შეთანხმებას მიაღწია
"ბარსელონა" 23 წლის ფრანგი ცენტრალური მცველის, ევან ნდიკას დამატებასთან ძალიან ახლოსაა. ინფორმაციას ამის შესახებ გერმანული Sport1-ის ჟურნალისტი კრისტოფერ მიხელი ავრცელებს.
მიხელის ცნობით "ბარსელონამ" ნდიკასთან შეთანხმებას უკვე მიაღწია. თუმცა ეს არ ნიშნავს, რომ ტრანსფერი გადაწყვეტილია. "ბარსელონა" საბოლოო გადაწყვეტილებას მარტის დასაწყისში მიიღებს,
ნდიკას "აინტრახტთან" კონტრაქტი სეზონის ბოლოს ეწურება და "ბარსელონას" მისი უფასოდ დამატება შეეძლება.
დიდი ალბათობით ნდიკა ინიგო მარტინესის ალტერნატივად განიხილება. ორივე ცაცია მარცხენა მცველია, სეზონის ბოლოს ორივე თავისუფალი აგენტი იქნება და "ბარსელონას" სასტარტო შემადგენლობაში მოხვედრის ამბიცია არცერთს ექნება. სავარაუდოდ "ბლაუგრანას" სამწვრთნელო შტაბი მარტში არჩევანს სწორედ ამ ორ მოთამაშეს შორის გააკეთებს. ნდიკას უპირატესობა ასაკია, ინიგო მარტინესის კი გამოცდილება და ესპანური ფეხბურთის კარგად ცოდნა.
ამ სიახლეზე კომენტარები გათიშულია.
კომენტარები [ 13 ]