ბარსელონა პედრო პოროს თაობაზე სპორტინგს დაუკავშირდა

"ბარსელონა" მარჯვენა მცველის პოზიციაზე ლისაბონის "სპორტინგის" ფეხბურთელის, პედრო პოროს შეძენის ვარიანტს განიხილავს.

პორტუგალიური გამოცემის, Record-ის ინფორმაციით, "ბლაუგრანა" 23 წლის უკანახაზელის თაობაზე ლისაბონურ კლუბს უკვე დაუკავშირდა და ინტერესი გამოხატა. 

"ბარსასთან" ერთად, პოროსთვის მადრიდის "ატლეტიკო" და ლონდონის "ტოტენჰემი" იბრძოლებენ. ფავორიტი სწორედ ეს უკანასკნელია.

"სპორტინგი" ახალგაზრდა მცველის სანაცვლოდ ზამთარში 45 მილიონს მოითხოვს, ზაფხულში კი მისი უფრო ხელსაყრელ ფასად შეძენა იქნება შესაძლებელი და მოსალოდნელია, რომ ხსენებული კლუბები ოფიციალურ შეთავაზებებს სწორედ ზაფხულის სატრანსფერო ფანჯარაზე გააკეთებენ.