სევილია-ბარსელონა - მსაჯი ცნობილია
- თამაშის დრო: შაბათი, 3 სექტემბერი, 23:00
ცოტა ხნის წინ ესპანეთის ფეხბურთის ფედერაციამ ის მსაჯები დაასახელა, რომლებიც ლა ლიგის მე-4 ტურის შეხვედრებს განსჯიან.
ტურის ცენტრალურ დაპირისპირებას, რომელშიც ერთმანეთს "სევილია" და "ბარსელონა" დაუპირისპირდებიან, 45 წლის ანტონიო მატეუ ლაოსი განსჯის.
ლაოსმა მსაჯობა 1999 წელს დაიწყო, 2002 წელს მე-3 დივიზიონში დაწინაურდა, 2 წლის შემდეგ მეორეში, ხოლო 2008 წლიდან პრიმერაში მსაჯობს. 2011 წლიდან ლაოსი FIFA-ს არბიტრია. Marca-მ ლა ლიგის საუკეთესო მსაჯად ის 2-ჯერ, 2010/11 და 2013/14 წლების სეზონებში დაასახელა.
მატეუ ლაოსის კარიერაში მთავარი მოვლენა 2021 წელს "მანჩესტერ სიტისა" და "ჩელსის" შორის გამართული ჩემპიონთა ლიგის ფინალის მსაჯობა იყო.
კარიერის განმავლობაში ლაოსი თამაშში საშუალოდ 24.6 ჯარიმასა და 0.29 თერთმეტმეტრიანს ნიშნავს, ფეხბურთელებს კი 4.6 ყვითელ და 0.2 წითელ ბარათს უჩვენებს.
ანტონიო მატეო ლაოსის სტატისტიკა "სევილიასა" და "ბარსელონას" თამაშებში:
სევილია | ბარსელონა | |
თამაში | 37 | 46 |
მოგება | 20 | 31 |
ფრე | 4 | 9 |
წაგება | 13 | 6 |
მოგების % | 54% | 67% |
სასარგებლოდ დანიშნული პენალტი | 2 | 7 |
საწინააღმდეგოდ დანიშნული პენალტი | 9 | 1 |
სასარგებლოდ ნაჩვენები წითელი | 7 | 9 |
საწინააღმდეგოდ ნაჩვენები წითელი | 3 | 6 |
ამ სიახლეზე კომენტარები გათიშულია.
კომენტარები [ 10 ]