ჟერარ რომერო ბარსელონას ტრანსფერებზე
ზაფხულის სატრანსფერო ფანჯრის დახურვამდე ორ დღეზე ნაკლები რჩება, "ბარსელონა" კი აქტიურობას განაგრძობს. მოსალოდნელია, რომ კატალონიურ გუნდში მომსვლელებიც იქნებიან და გუნდიდან წამსვლელებიც.
ავტორიტეტული სპორტული ჟურნალისტი ჟერარ რომერო "ბლაუგრანას" სატრანსფერო აქტივობებთან დაკავშირებით არაერთ ინფორმაციას ავრცელებს. მისი ცნობით "ბლაუგრანამ" ლა ლიგას შეატყობინა, რომ მოსალოდნელია 5 ფეხბურთელის წასვლა და 3 მოთამაშის დამატება.
ჟერარ რომეროს სიახლეები (დალაგებულია ახლიდან ძველამდე):
- ბერნარდუ სილვას დასამატებლად საჭიროა, რომ "ალ ნასრმა", რომელსაც მირალემ პიანიჩის იჯარით აყვანა სურს, ბოსნიელის ხელფასი სრულად დაფაროს;
- "მანჩესტერ სიტი" მზადაა, "ბარსელონასთან" ბერნარდუ სილვას ტრანსფერთან დაკავშირებით მოლაპარაკებები აწარმოოს;
- ბოლო საათებში ეზალზულისთვის ბრძოლაში "ოსასუნა" ჩაერთო და თუ რამე არ შეიცვალა, აბდე იჯარით სწორედ ამ გუნდში წავა;
- ობამეიანგის ტრანსფერზე შეთანხმება თითქმის მიღწეულია;
- მარკოს ალონსოს "ბარსელონაში" გადმოსვლა გადაწყვეტილია. ექტორ ბელერინთან მოლაპარაკებები ბოლო ეტაპზეა. ამ ორი ტრანსფერის შემდეგ "ბარსა" სრულად ბერნარდუ სილვაზე გადაერთვება;
- "ბარსელონაში" სჯერათ, რომ ობამეიანგის, პიანიჩისა და ბრეითუეიტის გაშვება ბერნარდუ სილვას, ექტორ ბელერინისა და მარკოს ალონსოს დასამატებლად საკმარისი იქნება;
- ამჟამად "ბარსას" პრიორიტეტებია: მარკოს ალონსო, ექტორ ბელერინი, ბერნარდუ სილვა;
- მარკოს ალონსო ობამეიანგის ტრანსფერში არ იქნება ჩართული. "ბარსას" მას 5-6 მილიონად იყიდის და "ჩელსის" თანხას ორ ნაწილად გადაუხდის;
- სერჟინიო დესტი, შესაძლოა, "მანჩესტერ იუნაიტედში" გადავიდეს;
- მარკოს ალონსოსა და მირალემ პიანიჩის აგენტი მატეუ ალემანის ოფისში იმყოფება;
- მემფის დეპაი "ბარსელონაში" დარჩენასთან ძალიან ახლოსაა;
- "ალ ნასრი" მზად იყო, პიანიჩი იჯარით აეყვანა და მისი ხელფასის 70% გადაეხადა, მაგრამ "ბარსამ" იუარა. კატალონიელებს ფეხბურთელის გაყიდვა სურთ;
- "ბარსელონა" და "ჩელსი" ობამეიანგის ტრანსფერზე შეთანხმებასთან ახლოს არიან - 23 მილიონი ფიქსირებული და 2 მილიონი ბონუსები;
- ბერნარდუ სილვას ტრანსფერი ჯერ კიდევ შესაძლებელია;
- მოსვლელები: მარკოს ალონსო, მარჯვენა მცველი და ბერნარდუ სილვა;
- მატეუ ალემანი შემდეგი ფეხბურთელების გაშვებაზე მუშაობს: ობამეიანგი, დესტი, პიანიჩი, ეზალზული, ბრეითუეიტი;
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 11 ]