რასიზმი სანტიაგო ბერნაბეუზე – ლა ლიგამ საჩივარი უკვე შეიტანა

გუშინ გამართული “ელ კლასიკოს” დროს “ბარსელონას” ფეხბურთელები ტრიბუნებიდან რასისტული შეძახილების მსხვერპლები გახდნენ, რაც ლა ლიგამ ოფიციალურად დაადასტურა და შესაბამისი ზომებიც მიიღო.

ესპანურ მედიაში ვრცელდება ინფორმაცია, რომ მათი საყვარელი გუნდის კარში გატანილი გოლის შემდეგ მადრიდელმა გულშემატკივრებმა თავი ლამინ იამალის მისამართით რასისტული შეძახილებით გამოიჩინეს.

დღეს ლა ლიგამ ოფიციალური განცხადება გამოაქვეყნა, რომელშიც საუბარია იმაზე, რომ “ბარსელონას” ფეხბურთელების მიმართ გამოვლენილ რასისტულ ქმედებებზე ორგანიზაციამ საჩივრით უკვე მიმართა ეროვნული პოლიციის სიძულვილის დანაშაულისა და სახელმწიფო ოფისის სიძულვილის ენისა და დისკრიმინაციის განყოფილებებს.