5 მატჩი 14 დღეში

დადგა სექტემბერი, რომელიც “ბარსელონასთვის” განსაკუთრებულად ინტენსიური იქნება. გუნდს ჩემპიონთა ლიგის სასტარტო მატჩი და ლა ლიგის გადატვირთული კალენდარი ელის, სადაც მიზანი სეზონის ბრწყინვალე სტარტის შენარჩუნებაა.

პირველი გამოცდა სიმბოლური და ისტორიულია: “ბარსელონა” ბოლოჯერ ესტუმრება “მესტალიას”, სანამ “ვალენსია” ახალ სტადიონზე გადავა. შეხვედრა კვირას, 6 სექტემბერს, თბილისის დროით 18:15 საათზე გაიმართება.

ჩემპიონთა ლიგის დაბრუნება

სამი დღის შემდეგ ჩემპიონთა ლიგა “სპოტიფაი კამპ ნოუზე” ბრუნდება. ოთხშაბათს, 9 სექტემბერს, თბილისის დროით 20:45 საათზე, კატალონიელები ევროტურნირის პირველ ტურში როტერდამის “ფეიენოორდს” უმასპინძლებენ.

ამ ევროპული გამოცდის შემდეგ კი გუნდს სულ რაღაც 6 დღეში ლა ლიგის სამი მატჩი ელის.

5 მატჩი 14 დღეში – სექტემბრის სრული განრიგი:

• 6 სექტემბერი, 18:15 | ლა ლიგა: “ვალენსია” – “ბარსელონა” (ბოლო ვიზიტი “მესტალიაზე”)
• 9 სექტემბერი, 20:45 | ჩემპიონთა ლიგა: “ბარსელონა” – “ფეიენოორდი”
• 13 სექტემბერი, 18:15 | ლა ლიგა: “ლევანტე” – “ბარსელონა”
• 16 სექტემბერი, 23:30 | ლა ლიგა: “ბარსელონა” – “რასინგ სანტანდერი” (თვის ერთადერთი საშინაო მატჩი ლა ლიგაში)
• 19 სექტემბერი, 23:00 | ლა ლიგა: “სევილია” – “ბარსელონა” (“რამონ სანჩეს პისხუანზე”)

“სევილიასთან” გასვლითი შეხვედრა თვის ბოლო მატჩი იქნება, რის შემდეგაც სეზონის პირველი სანაკრებო პაუზა დაიწყება. ჯამში, ჰანსი ფლიკის გუნდს ორ კვირაში ოთხი საჩემპიონატო და ერთი ჩემპიონთა ლიგის დაპირისპირება ელის.