ლა ლიგის მომდევნო ტურში მომავალ უქმეებზე “ბარსელონა” “ხეტაფეს” დაუპირისპირდება ჩემპიონთა ლიგაზე “ნაპოლისთან” ნათამაშები ფრის (1-1) შემდეგ.
ჩავი ერნანდესის შეგირდებმა “სიუტატ ესპორტივაზე” მადრიდელების წინააღმდეგ მატჩისთვის ბოლო სავარჯიშო სესია გამართეს. ვარჯიშს ესწრებოდა პირველი გუნდის ყველა ხელმისაწვდომი ფეხბურთელი, რომელთაც შეურთდნენ კოჩენი, კუბარსი, ფორტი, მარკ გიუ და მარკ კასადო “ბარსა ატლეტიკიდან”.
“ხეტაფესთან” დაპირისპირება შაბათს, თბილისის დროით 19:15 საათზე დაიწყება. ლა ლიგაში ზედიზედ 4 დაუმარცხებელი შეხვედრის შემდეგ “ბარსელონა” ტურნირის ლიდერებთან ჩამორჩენის აღმოფხვრას შეეცდება.
გააგრძელეთ ბიჭებო გასვლაზე წაუგებელი სერია.