Mundo Deportivo-ს ინფორმაციით, “ბარსელონას” მომავალი მწვრთნელის კანდიდატებს შორის ჩაბი ალონსოც ჰყავს.
“ლევერკუზენის” დამრიგებელი მიმდინარე სეზონში დაუმარცხებელია და 30-მატჩიანი წაუგებელი სერია აქვს. მისი გუნდი ბუნდესლიგაში პირველ ადგილზეა და “ბაიერნს” 2 ქულით უსწრებს.
ალონსოს “რეალ მადრიდსაც” უკავშირებდნენ, მაგრამ “ლოს ბლანკოსმა” კარლო ანჩელოტის კონტრაქტი გაუხანგრძლივა. ახლა კი ის “ლივერპულში” იურგენ კლოპის შეცვლის ერთ-ერთი კანდიდატია.
“რეალ მადრიდის” ყოფილი ფეხბურთელობა, “ლივერპულის” (მისი კიდევ ერთი ყოფილი კლუბი) ინტერესი და ფინანსური პრობლემები “ბარსას” საქმეს ურთულებს, მაგრამ კატალონიურ გრანდს, ძლიერი სურვილის შემთხვევაში, ალონსოს დარწმუნება შეუძლია.
როგორც დეკუ ამბობს, “ბლაუგრანას” მოლაპარაკებები ჯერ არავისთან დაუწყია, მაგრამ კლუბი შიდა სამზარეულოში ვარიანტებს განიხილავს. “ბარსას” შრომისმოყვარე, შემტევი სპეციალისტის მოყვანა სურს.
კატალონიური პრესის ცნობით, “ბარსელონას” სიაში შემდეგი მწვრთნელებიცაა: მიკელ არტეტა (“არსენალი”), ლუის ენრიკე (პსჟ), რობერტო დე ძერბი (“ბრაიტონი”), ჰანსი ფლიკი (თავისუფალი აგენტი), უნაი ემერი (“ასტონ ვილა”), იურგენ კლოპი (“ლივერპული”), სერჟიო კონსეისაუ (“პორტუ”), იმანოლ ალგუასილი (“სოსიედადი”), მიჩელი (“ჟირონა”).
თვითონ ალონსო არ განიხილავს ბარსა და რა აზრი აქვს?
არც მინდა და არც მოვა
აი ეგ ისეთი ზღაპარია როგორც კიმ ჩენ ინის გადადგომა
ალონსოს ვინ მოგვცემს. იმის გარდა რო მადრიდისტაა, პერესი უკვე ელაპარაკა და დაბრონილი ყავს. ამ დაქცეულ კლუბში არც მოვა ისევ ლივერპულში წავა.
ლივერპულში წავა.