ბარსელონა დანი ალვესს ახალ კონტრაქტს გაუფორმებს და ხელფასს გაუზრდის
Sport-ის ცნობით, "ბარსელონამ" დანი ალვესისთვის კონტრაქტის 1 წლით გახანგრძლივების შეთავაზება უკვე გადაწყვიტა.
წყაროს ინფორმაციით, მოლაპარაკებები მალე დაიწყება და მოსალოდნელია, რომ შეთანხმება მოკლე დროში შედგება, რადგან ეს როგორც დანის, ისე ჩავისა და "ბარსასაც" სურთ.
ამასთან, "ლურჯ-ბროწეულისფერები" ალვესის ხელფასს გაზრდიან - ამჟამად, ბრაზილიელი ლა ლიგის წესებით გათვალისწინებულ, მინიმალურ ანაზღაურებას იღებს და, შეიძლება ითქვას, ფაქტობრივად უფასოდ თამაშობს.
38 წლის ლეგენდის მოქმედი ხელშეკრულება სეზონის ბოლოს იწურება.
როგორც კატალონიური გამოცემა იუწყება, დანის პოზიციაზე "ბლაუგრანას" მესვეურები სესარ ასპილიკუეტასა და ნუსაირ მაზრაუის დამატებაზეც მუშაობენ, თუმცა, შესაძლოა, ამ უკანასკნელის მოსვლა ერლინგ ჰოლანდის პოტენციურ ტრანსფერზე იყოს დამოკიდებული.
გარდა ამისა, აღსანიშნავია ისიც, რომ "ბარსელონა" მომავალ ზაფხულში ოსკარ მინგესასა და სერჟინიო დესტის გაშვებაზეც ფიქრობს.
ამ სიახლეზე კომენტარები გათიშულია.
კომენტარები [ 8 ]