ოსკარ მინგესამ ბარსელონაში დარჩენა გადაწყვიტა

"ბარსელონა" ოსკარ მინგესასა და სერჟინიო დესტის გაშვებაზე მუშაობს, თუმცა, როგორც ჩანს, კლუბს მათთან განშორება გაუჭირდება.

COPE-ს ჟურნალისტის, ელენა კონდისის ინფორმაციით, მინგესამ "ბარსაში" დარჩენა გადაწყვიტა. 22 წლის ცენტრალური მცველით "ვალენსია", "ბორდო" და იტალიური კლუბი ინტერესდებოდნენ, მაგრამ ყველა ვარიანტი გამოირიცხა.

Marca-ს ცნობით, ჩავი ერნანდესი დესტის შესაძლებლობებში დარწმუნებული არაა. "ბლაუგრანამ" 21 წლის ამერიკელი მარჯვენა მცველი ტრანსფერზე დააყენა, მაგრამ წასვლა არც მას სურს.