“ბარსელონას” ლეგენდარული ფეხბურთელი პატრიკ კლუივერტი სამწვრთნელო კარიერას აახლებს და “ადანა დემირსფორის” მთავარ მწვრთნელად ინიშნება. ინფორმაციას ამის შესახებ თურქი ჟურნალისტი იაგიზ საბანჩუოღლუ ავრცელებს.
პატრიკ კლუივერტი “ბარსელონაში” 1998-2004 წლებში თამაშობდა. ნიდერლანდელმა თავდამსხმელმა 257 თამაშში თავი 122 გოლითა და 60 შედეგიანი გადაცემით გამოიჩინა.
კლუივერტს სამწვრთნელო გამოცდილება აქამდეც ჰქონია. ის “ალკმაარში”, “ბრისბენ როარში”, “ნეიმეგენში”, ნიდერლანდებისა და კამერუნის ნაკრებებში ასისტენტად მუშაობდა, ხოლო “ტვენტეს” ახალგაზრდულ გუნდსა და კიურასაოს ნაკრებში – მთავარ მწვრთნელად.
2019-2021 წლებში კლუივერტი “ბარსელონას” აკადემიის დირექტორი იყო.
გული მიგრძნობს მომავალ წელს ადანას ჩ. ლიგაზე გაიყვანს და 1/4 ფინალამდე მივა
წარმატებები, ტორესზე უკეთესი ბომბარდირი კი ყოფილა.