ბარსელონა მესის ნივთებს ისევ ყიდის

ლიონელ მესის "ბარსელონადან" წასვლის შემდეგ 4 თვეზე მეტი გავიდა, მაგრამ არგენტინელს კატალონიური გუნდისთვის ფული ისევ მოაქვს.

"ბლაუგრანას" ოფიციალურ მაღაზიაში მესის ნივთები ისევ იყიდება. ამჟამად მაღაზიაში მესისთან დაკავშირებული 3 ნივთია გასაყიდად გამოტანილი და თითოეულის ფასი საკმაოდ მაღალია.

"ბარსელონას" კაპიტნის სამკლავური, რომელსაც მესის ხელმოწერა ამშვენებს, 643.5 ევროდ იყიდება. "ბარსელონას" 2020/21 წლების სეზონის საშინაო ფორმა მესის მაისურით კიდევ უფრო ძვირი, 1 170 ევრო ღირს. ყველაზე ძვირი კი არის 2013/14 წლების სეზონის მაისური, რომელსაც მესის გარდა ხელს ჩავი და ანდრეს ინიესტა აწერენ. ეს ფორმა 2 950 ევრო ღირს.