ბარსა-ბეტისი 4-0 | ბარსელონა მდევართან უპირატესობას ინარჩუნებს

რამდენიმე წუთის წინ დასრულდა ლა ლიგის 32-ე ტურის შეხვედრა, რომელშიც “ბარსელონამ” “ბეტისი” მარტივად, 4-0 დაამარცხა.

“ბარსამ” სევილიელ სტუმრებს საქმე პირველივე ტაიმში მოუმთავრა. მე-14 წუთზე რაფინიას ჩაწოდების შემდეგ ანდრეას კრისტენსენმა “ბლაუგრანაში” სადებიუტო გოლი გაიტანა. 33-ე წუთზე “ბეტისი” მოედანზე 10 კაცით დარჩა, მომდევნო 6 წუთში კი თავი რობერტ ლევანდოვსკიმ და რაფინიამაც გამოიჩინეს და ტაიმი “ბარსას” დამაჯერებელი მოგებით დასრულდა.

მეორე ტაიმში მხოლოდ ერთი გოლი გავიდა. ანსუ ფატის აქტიურობის შემდეგ გუიდო როდრიგესმა ბურთი საკუთარ კარში ჩაჭრა.

86-ე წუთზე კი ისტორიული შემთხვევა დაფიქსირდა – “ბარსელონას” შემადგენლობაში დებიუტი ჰქონდა 15 წლის ფეხბურთელს, ლამინე იამალის.

32 ტურის შემდეგ “ბარსელონა” ლა ლიგას 11 ქულიანი უპირატესობით ლიდერობს.