Sport: ჩავის დებიუტი 20 ნოემბერს შედგება
"ბარსელონა" ჩავი ერნანდესის ხელმძღვანელობით პირველ მატჩს, სავარაუდოდ, 20 ნოემბერს ჩაატარებს, წერს Sport.
ცნობის თანახმად, ჩავის 6 ნოემბერს, "სელტასთან", ხილვა, ფაქტობრივად, გამორიცხულია. ამ 5-დღიან პერიოდში ყველა საკითხის მოგვარება ძალიან რთული იქნება, შესაბამისად, "ბლაუგრანაში" მისი სამწვრთნელო დებიუტი სანაკრებო პაუზის შემდეგ, 20 ნოემბერს, "ესპანიოლის" წინააღმდეგ შედგება.
ოთხშაბათს, 3 ნოემბერს, "ალ სადს" კონკურენტ "ალ დუჰაილთან" მნიშვნელოვანი მატჩი ელის. ყატარული კლუბი ითხოვს, რომ ამ მატჩში გუნდს ჩავიმ უხელმძღვანელოს. შესაბამისად, ესპანელი ბარსელონაში გამგზავრებას ხუთშაბამდე ვერ შეძლებს. იგი გუნდის შაბათს "ბალაიდოსზე" გასამართი მატჩისთვის მომზადებას ვერ მოასწრებს. ასევე, დიდი ალბათობით, ოფიციალური განცხადება ხუთშაბათს გაკეთდება, მისი პრეზენტაცია კი "სელტასთან" თამაშის შემდეგ ჩატარდება.
გავრცელებული ინფორმაციით, მოლაპარაკებების წარმატებით დასრულების მიზნით, ჟოან ლაპორტა დოჰაში გაემგზავრება.
ამ სიახლეზე კომენტარები გათიშულია.
კომენტარები [ 7 ]