ლუკაკუს ბარსელონასთან თამაში საეჭვოა

ტრავმები მხოლოდ “ბარსელონას” არ აწუხებს, ეს პრობლემა ჩემპიონთა ლიგაზე კატალონიელთა მომდევნო მეტოქისთვის, “ინტერისთვისაც” ნაცნობია.

ჩემპიონთა ლიგის მე-3 და მე-4 ტურებში “ბარსა” და “მილანი” ჯერ იტალიაში, შემდეგ კი ესპანეთში ითამაშებენ. ეს მატჩები ძალიან მნიშვნელოვანია, რადგან სწორედ ისინი გადაწყვეტს ჯგუფიდან გასვლის ბედს.

ცნობილია, რომ “ბარსელონას” ორივე შეხვედრაში დააკლდება რონალდ არაუხო, ჟიულ კუნდე და მემფის დეპაი, ჯერ კიდევ გასარკვევია ფრენკი დე იონგის საკითხი. მილანელთა მხრიდან პირველ მატჩში გამორიცხულია მარსელო ბროზოვიჩი, რომლის განმეორებით შეხვედრაში თამაშიც კითხვის ნიშნის ქვეშაა.

ირკვევა, რომ დიდი შანსია, პირველ თამაშში “ინტერს” არც რომელუ ლუკაკუ ჰყავდეს. ბელგიელ თავდამსხმელს უკვე ერთი თვეა, კუნთის ტრავმა აწუხებს. ის ხვალ “რომასთან” თამაშისთვის მზად უნდა ყოფილიყო, მაგრამ გუნდთან ერთად ვარჯიშს ისევ ვერ ახერხებს და კვლავ ინდივიდუალურად იტვირთება. “ბარსელონასთან” დაპირისპირებამდე კი მხოლოდ 4 დღეა დარჩენილი.

მიმდინარე სეზონში ლუკაკუმ მხოლოდ 3 თამაში ჩაატარა. მის აქტივში ერთი გოლი და ერთიც საგოლე გადაცემაა.