ბარსელონა მორიბას 20 მილიონზე იაფად არ გაყიდის
"ბარსელონა" გუნდის ახალგაზრდა ნახევარმცველ ილაიშ მორიბას მინიმუმ 20 მილიონ ევროდ შეელევა.
უკვე არაერთხელ გავრცელდა ინფორმაცია, რომ "ბარსასა" და მორიბას შორის ახალი კონტრაქტის გაფორმება ვერ ხერხდება, რადგან კლუბი 18 წლის ფეხბურთელის ფინანსურ მოთხოვნებს ვერ აკმაყოფილებს. ილაიში მიიჩნევს, რომ იმაზე მეტ ხელფასს იმსახურებს, ვიდრე "ბლაუგრანა" სთავაზობს.
ბარსელონელი ჟურნალისტის, სიკე როდრიგესის ინფორმაციით, კატალონიური კლუბი მორიბას 20 მილიონ ევროზე ნაკლებად არ გაყიდის.
წყაროს ცნობით, კლუბში წარმოდგენა არ აქვთ, რატომ იქცევა მორიბა ასე, განსაკუთრებით მას შემდეგ, რაც ილაიშს აცნობეს, რომ მნიშვნელოვანი ფეხბურთელი იქნებოდა.
იგივე წყარო იტყობინება, რომ, თუ მორიბა ხელშეკრულებას არ გაახანგრძლივებს, იგი არ ითამაშებს და მხოლოდ "ჟუვენილ ბ-სთან" ერთად ივარჯიშებს.
ამ სიახლეზე კომენტარები გათიშულია.
კომენტარები [ 11 ]