ბარსელონა ფატის, პედრისა და დემბელეს კონტრაქტების გახანგრძლივებაზე მუშაობას იწყებს
Mundo Deportivo-ს ცნობით, "ბარსელონას" სურს, მომდევნო კვირიდან, კლუბის ახლაგარზდა ფეხბურთელების - ანსუ ფატისა და პედრის კონტრაქტების გახანგრძლივების თაობაზე მუშაობა დაიწყოს.
პედრის ხელშეკრულება 2022 წლამდეა გათვლილი (2 წლით გახანგრძლივების პერსპექტივით), მაგრამ კატალონიური გრანდის მიზანი მისი ხელფასის გაზრდაა, რადგან მოთამაშემ თავი უფრო მნიშვნელოვან ფიგურად იგრძნოს. მიუხედავად იმისა, რომ მას ბევრი სარფიანი შემოთავაზება ჰქონდა/აქვს, გონსალესი კლუბზე ზეწოლას არ აპირებს, ვინაიდან, იგი ბავშვობიდან "კულეა".
რაც შეეხება ფატის, ანსუმანეს კონტრაქტიც 2022 წელს იწურება, ხელშეკრულებაში არსებული პუნქტის მიხედვით კი, "ლურჯ-ბროწეულისფერებს" მისი 2024 წლამდე გახანგრძლივება შეუძლიათ. თუმცა, წარმოშობით გვინეა-ბისაუელის აგენტის, ჟორჟე მენდეშის თქმით, ეს შეთანხმება ვალიდური არაა, რადგან, კონტრაქტის გაფორმების დროს, ფეხბურთელი არასრულწლოვანი იყო.
"ბარსელონა" ასევე უსმან დემბელეს ხელშეკრულებაზე ფიქრობს - ხელძღვანელობა იმედოვნებს, რომ იგი შემცირებულ ხელფასს მიიღებს. ფრანგის ამჟამინდელი კონტრაქტი მომდევნო ზაფხულში იწურება, გუნდი კი მის უფასოდ გაშვებას არ გეგმავს.
ამ სიახლეზე კომენტარები გათიშულია.
კომენტარები [ 12 ]