"ბარსელონა" რაფინიას ტრანსფერიდან სარგებელს მიიღებს

ბრაზილიელი შემტევი ნახევარმცველის, რაფინიას ტრანსფერით, "ბარსელონამ" შესაძლოა ამ ზაფხულში ფინანსური მოგება მიიღოს. ინფორმაციას Mundo Deportivo ავრცელებს. 

რაფინია, რომელიც "პარი სენ-ჟერმენს" "ბარსადან" გასული წლის ოქტომბერში შეუერთდა, ფრანგული კლუბის ინტერესებში აღარ შედის. პარიზელები ეცდებიან, ის მალე გაყიდონ, კონტრაქტის პირობების თანახმად კი "ბარსელონა" სრული სატრანსფერო თანხის 35%-ს მიიღებს. 

28 წლის ფეხბურთელის ანგარიშზე პსჟ-ში 34 შეხვედრაა. 

ჯერჯერობით ცნობილი არაა, აწარმოებს თუ არა "პარი სენ-ჟერმენი" მოლაპარაკებებს რომელიმე კლუბთან.