MD: ქალთა გუნდის მთავარი მწვრთნელი "ბარსელონას" ტოვებს

Mundo Deportivo-ს ექსკლუზიური ინფორმაციით, "ბარსელონას" ქალთა გუნდის მთავარი მწვრთნელი, ლუის კორტესი, კლუბს ტოვებს. 

რამდენიმე დღის წინ გავრცელებული ცნობის თანახმად, ეს ნაბიჯი ფეხბურთელებმა მოითხოვეს, MD კი წერს, რომ კორტესი მოთამაშეებს უკვე ესაუბრა და აცნობა, რომ "ეიბართან" გასამართი ლიგის მატჩი, რომლითაც სეზონი სრულდება, მისთვის ამ თანამდებობაზე ბოლო იქნება. 

გადაწყვეტილების მიღების მიზეზად გუნდის გადაღლა სახელდება, რამაც ენერგიის დაკარგვა გამოიწვია. 

ლუის კორტესის "ბარსა ფემენიში" მუშაობა გუნდის ისტორიაში ყველაზე დიდ მიღწევას უკავშირდება - კატალონიელებმა წინა სეზონში ტრებლის მოგება მოახერხეს.