რონალდ კუმანი სევილიასთან მატჩის წინ
კატალონიის "ბარსელონას" თავკაცი, რონალდ კუმანი "სევილიასთან" დაპირისპირებამდე ჟურნალისტებთან საუბრობს:
პედრი? არსებობს ასპექტები, რომლებიც ასახსნელად რთულია. გუშინ საღამოსაც გაოცებული ვიყავი. ინდივიდუალური ვარჯიში დისკომფორტის გარეშე ჩაატარა, დღეს დილითაც ნორმალურად გამოიყურბეოდა. ვფიქრობ, რომ ის ხვალ სათამაშოდ მზად არის.
ბართომეუს დაპატიმრება? არ ვიცი, რა მოხდა. ახლა თამაშზე უნდა ვფოკუსირდეთ, თუმცა მომხდარი კლუბის იმიჯზე კარგად არ იმოქმედებს.
ჩავი ერნანდესი? ამ თემის გამო არ ვწუხვარ. "ბარსასთან" კონტრაქტი მაქვს და როდესაც ახალი პრეზიდენტის ვინაობა მეცოდინება, ხელახლა გავისაუბრებთ. თუმცა ეს პროცესები მომდევნო კვირაშია დაგეგმილი, ხვალ კი თამაში გვაქვს.
ბედნიერი ვარ, რომ დონის გასაუმჯობესებლად ვიბრძვით. ახლა მნიშვნელოვანია, რომ გუნდურად ვიმოქმედოთ.
3-5-2 სქემის კვლავ გამოყენება? სისტემის მთავარი ასპექტი მენტალური სიძლიერეა. პრესინგი უნდა ვცადოთ და, როცა შესაძლებელია, ერთიანები ვიყოთ. არ აქვს მნიშვნელობა, რამდენი მცველი გვეყოლება. პირველ რიგში, უნდა ვიმუშაოთ, ბურთი ვაკონტროლოთ და თავდაჯერებულნი ვიყოთ.
არაუხოს გუნდთან ერთად არ უვარჯიშია, რადგან ჯერ კიდევ დისკომფორტი აწუხებს. ხვალ გადავწყვეტთ, ურუგვაელი განაცხადში იქნება თუ არა.
ბართომეუ და გრაუ? მათ გამო ვწუხვარ, რადგან ერთად ბევრი კარგი მომენტი გაგვიტარებია. ჩემთვის ბართომეუ ყოველთვის განსაკუთრებული პიროვნება იყო.
ამ მომენტისთვის, ჩავისთან არ მისაუბრია. თუ ახალი პრეზიდენტი ჩემს კანდიდატურას აქ ვერ ხედავს, მაშინ პრობლემა შეგვექმნება, რადგან კონტრაქტში კიდევ 1 წელი მრჩება.
"ბარსელონა" მსოფლიოს უდიდესი კლუბია და, რა თქმა უნდა, ყველა ინტერესდება, თუ რა ხდება შიდა სამზარეულოში. ბევრი რამ ხდება, სასაუბროც ბევრია - ზუსტად იმიტომ, რომ ყველაზე დიდებული კლუბი გვაქვს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 13 ]