"ლას პალმასის" პრეზიდენტი: ყველას ჰგონია, რომ პედრი 5 მილიონად გავყიდეთ, მაგრამ...
"ლას პალმასის" პრეზიდენტი მიგელ ანხელ რამირესი 18 წლის ამომავალი ვარსკვლავის, პედრის "ბარსელონაში" ტრანსფერთან დაკავშირებით საინტერესო კომენტარს აკეთებს.
ცნობილია, რომ "ბლაუგრანამ" პედრი "ლას პალმასიდან" 5 მილიონ ევროდ დაიმატა, თუმცა, როგორც რამირესის განცხადებიდან ირკვევა, კატალონიელებს ესპანელი ტალანტი უფრო ძვირი დაუჯდათ.
ყველას ჰგონია, რომ "ბარსელონამ" პედრიში 5 მილიონი ევრო გადაიხადა, მაგრამ უკვე 10 მილიონი მივიღეთ. ბონუსების წყალობით, ეს თანხა, შესაძლოა, 30-35 მილიონამდე გაიზარდოს.
ჩვენ გავყიდეთ ფეხბურთელი, რომელსაც პროფესიონალურ დონეზე არცერთი წუთი არ ჰქონდა ნათამაშები. იგი იმედისმომცემ მოთამაშედ ითვლებოდა. თუ ბოლოს 30-35 მილიონ ევროს მივიღებ, ეს იმის მანიშნებელი იქნება, რომ პედრი კარგ ფასად გავყიდე. თუ "ბარსა" ესპანელს უფრო ძვირად გაყიდის, კლუბი ნახავს, თუმცა ამ ტრანსფერიდან წილს მივიღებთ.
"ბარსას" ფინანსური კრიზისი? სხვა კლუბის შემთხვევაში, შესაძლოა, რაღაცებში ეჭვი შემეტანა, მაგრამ კატალონიელები ფულს გადაიხდიან და ეკონომიკურ მდგომარეობას გამოასწორებენ. "ბარსა" მსოფლიოს ერთ-ერთი საუკეთესო გუნდია და ამ პრობლემას გადაჭრის.
- ციტირებს რამირესის სიტყვებს Marca.
ამ სიახლეზე კომენტარები გათიშულია.
კომენტარები [ 6 ]