პიკეს პსჟ-სთან პირველ მატჩში თამაში სურს
"ბარსელონას" ცენტრალური მცველი ჟერარ პიკე ყველაფერს აკეთებს იმისათვის, რომ 16 თებერვალს "პარი სენ-ჟერმენთან" გასამართი საჩემპიონთალიგო თამაშისთვის მზად იყოს.
პიკემ ტრავმა ნოემბრის ბოლოს მიიღო. მის მკურნალობას მინიმუმ 3-4 თვე სჭირდებოდა. ცნობილი ექიმი რამონ კუგატი კი ირწმუნებოდა, რომ ჟერარის 6 თვეზე ადრე დაბრუნება ძალიან ძნელი იქნებოდა. დეკემბრის ბოლოს პოზიტიური სიახლე გავრცელდა - პიკეს თებერვლის ბოლოს დაბრუნება შეუსრულებელ მისიად არ მოსჩანდა.
ბოლო დროს გავრცელდა ინფორმაცია, რომ ჯერ კიდევ 33 წლის (34 წლის ხვალ ხდება) ფეხბურთელის მკურნალობის პროცესი კარგად მიმდინარეობს. დღეს კი Mundo Deportivo გვატყობინებს, რომ პიკე "პარი სენ-ჟერმენთან" გასამართ პირველ 1/8 ფინალური დაპირისპირებაში თამაშს უმიზნებს.
იგივეს იუწყება Cadena SER, მაგრამ ამ გამოცემის ჟურნალისტის ცნობით, პიკეს ურჩევენ არ გარისკონ და თვის ბოლომდე მოიცადოს.
ამ სიახლეზე კომენტარები გათიშულია.
კომენტარები [ 7 ]