"ოპერაცია პედრი" - "ბარსელონა" კიდევ ერთი ტალანტის შეძენას აპირებს | Sport

მოგეხსენებათ, 2019 წლის სექტემბერში "ბარსელონამ" ძალიან ახალგაზრდა პედრი "ლას პალმასიდან" 5 მილიონ ევროდ შეიძინა და ერთი სეზონით კუნძულელთა რიგებში დატოვა.

ახლა კი, Diario Sport-ის ჟურნალისტის, ტონი ჟუანმარტის ინფორმაციით, კატალონიელები ცდილობენ, მსგავს სტრატეგიას კვლავ მიმართონ და "ვალიადოლიდის" ტალანტი, ივან სან ხოსე "ჩუკი" გაიფორმონ.

წყაროს ცნობით, 16 წლის ფეხბურთელისთვის ბრძოლაში, რომელიც ამპლუით ნახევარმცველი გახლავთ, "ლურჯ-ბროწეულისფერები" ფავორიტები არიან.

სან ხოსე რონალდო ნაზარიოს მფლობელობაში მყოფი კლუბის ახალგაზრდულ გუნდში პირველ სეზონს ატარებს.

რაც შეეხება პედრი გონსალესს, 18 წლის მოთამაშემ მიმდინარე სეზონში, "ბარსას" მაისურით, ყველა ტურნირის ეგიდით, 18 მატჩში 2 გოლი მიითვალა.