"ბარსელონას" ძალების აღსადგენად 5-დღიანი დასვენება ექნება

"ბარსელონას" მთავარი მწვრთნელი, კიკე სეტიენი დღეს დაგეგმილი სავარჯიშო სესიის დასრულების შემდეგ, ფეხბურთელებს დასასვენებლად 5 დღეს მისცემს, რის შემდეგაც კლუბი ჩემპიონთა ლიგაზე 8 აგვისტოს, "ნაპოლის" წინააღმდეგ მერვედფინალური მატჩისთვის მზადებას დაიწყებს.

AS-ის მიერ გავრცელებული ინფორმაციით, "მინი-შვებულების" ჟამს, მოთამაშეების მიზანი ფეხბურთისგან შეძლებისდაგვარად მაქსიმალურად დასვენება და ძალების აღდგენა იქნება. გეგმის მიზანი, ძირითადად, მენტალური ასპექტების გაუმჯობესებაა, ფიზიკური დატვირთვა კი ნებადართული გახლავთ.