ლიონელ მესი და წითელი ბარათები

“ბარსელონას” არგენტინელმა კაპიტანმა, ლიონელ მესიმ, გუშინ ესპანეთის სუპერ თასის ფინალში კატალონიურ კარიერაში პირველი წითელი ბარათი მიიღო. “ბლაუგრანა” კი “ბილბაოსთან” დამარცხდა (2-3). 

მესიმ მთელი მისი კარიერის განმავლობაში წითელი ბარათი მესამედ მიიღო, ახლა კი დანარჩენი შემთხვევებიც გავიხსენოთ: 

2005 წლის 17 აგვისტო, დებიუტი არგენტინის ეროვნულ ნაკრებში

მესის დებიუტი არგენტინის ნაკრებში არც თუ ისე წარმატებული აღმოჩნდა, “ალბისელესტეს” მაშინდელმა მწვრთნელმა, ხოსე პეკერმანმა ახალგაზრდა ლეო უნგრეთის ნაკრებთან ამხანაგურ მატჩში შემოიყვანა, მესი მოედანზე 64-ე წუთზე გამოჩნდა 45 წამში კი მოედნიდან გააძევეს. ეს მომენტი ძალიან ჰგავდა გუშინდელ ინცინდენტს (ვილიალიბრესთან ორთაბრძოლა) მესი ამ შემთხვევაშიც მეტოქესთან ორთაბრძოლაში იმყოფებოდა ეს კი სახეში მოულოდნელი ჩარტყმით დასრულდა. 

2019 წელი, გარი მედელის და მესის დაპირისპირება 

კოპა ამერიკაზე მესამე ადგილისათვის არგენტინისა და ჩილეს ნაკრებების მატჩის 37-ე წუთზე გარი მედელი ლეო მესის ორჯერ მიზანმიმართულად შეეჯახა, მსაჯმა კი მიზეზების ძიების გარეშე ორივე გააძევა.