"ბარსელონა" ნეტუს უშვებს და ინიაკი პენიას აწინაურებს
Mundo Deportivo "ბარსელონას" შემადგენლობაში შესაძლო ცვლილებებზე საინტერესო ინფორმაციას ავრცელებს. კატალონიელი ჟურნალისტების ცნობით, "ბლაუგრანა" გუნდის პირველი მეკარის, მარკ-ანდრე ტერ შტეგენის დუბლიორთან, ნეტუსთან განშორებას აპირებს და "ბარსა ბ-ს" კარის დარაჯის, ინიაკი პენიას დაწინაურებას გეგმავს.
ნეტუ კატალონიურ გუნდს გასულ ზაფხულში "ვალენსიადან" შეუერთდა, თუმცა 30 წლის ფეხბურთელმა, ტრავმის გამო, მხოლოდ 4 ოფიციალური მატჩი ჩაატარა. ბრაზილიელმა ამ თამაშებში 7 გოლი გაუშვა. ჯერჯერობით, უცნობია, რა თანხას მოითხოვენ კატალონიელები ნეტუში, რომელსაც Transfermarkt 14.5 მილიონ ევროდ აფასებს.
რაც შეეხება პენიას, 21 წლის კიპერი, ნეტუს ტრავმის გამო, განაცხადში ხშირად ხვდებოდა, თუმცა მისი დებიუტი კატალონიელთა პირველ გუნდში ჯერ არ შემდგარა. ახალგაზრდა ესპანელი ტერ შტეგენის დუბლიორობის საუკეთესო ვარიანტიად მიიჩნევა.
ინიაკი პენია კატალონიური კლუბის აკადემიაში 2013 წლიდან ირიცხება. მან, "ბარსას" სარეზერვო გუნდის შემადგენლობაში, მიმდინარე სეზონში, 18 მატჩი ჩაატარა და კარი მშრალად 8-ჯერ შეინახა.
ამ სიახლეზე კომენტარები გათიშულია.
კომენტარები [ 6 ]