"კამპ ნოუ" ყველაზე პოპულარული სტადიონია

"ბარსელონას" საშინაო არენა "კამპ ნოუ", გასული წლის განმავლობაში, სოციალურ ქსელ Instagram-ზე ყველაზე პოპულარული სტადიონი იყო.

Ticketgum-ის მიერ ჩატარებული კვლევის შედეგად დადგინდა, რომ "კამპ ნოუ", Instagram-ის მომხმარებლებმა, თავიანთ ფოტოებზე 1.8 მილიონჯერ მონიშნეს. მე-2 ადგილზე, 1.1 მილიონი მონიშვნით, "სან სირო" გავიდა, რომელიც 2 კლუბს, "მილანსა" და "ინტერს" ეკუთვნის. მე-3 პოზიცია, მილიონი მონიშვნით, "ლივერპულის" "ენფილდმა" დაიკავა. ეს ნიშნავს, რომ მე-2 ადგილზე მყოფ კლუბს "ბარსა" თითქმის 2-ჯერ უსწრებს.

მეოთხე-მეხუთე პოზიციებს "რეალის" "სანტიაგო ბერნაბეუ" და "მანჩესტერ იუნაიტედის" "ოლდ ტრაფორდი" იყოფენ 900-900 ათასი მონიშვნით.

შეგახსენებთ, რომ "კამპ ნოუ", რომელიც 99,354 ადამიანს იტევს, ევროპაში ყველაზე დიდი საფეხბურთო სტადიონია.