გახდი “ბარსელონას” რევოლუციონერი და მოიგე ახალი სეზონის მაისური!

კატალონიის “ბარსელონამ” ისტორიაში ერთ-ერთი ყველაზე წარუმატებელი სეზონი ეს-ესაა დაასრულა. შედეგი გვაჩვენებს, რომ კლუბში ბევრი საკადრო ცვლილებაა გასახორციელებელი. 

მაშ ასე, Barcamania.ge გაძლევს შანსს, გახდე “ლურჯ-ბროწეულისფერთა” რევოლუციონერი – აუცილებლად გამოიყენე ქვემოთ მოცემული კითხვები და თავად დაწერე შენი საყვარელი კლუბის მომავალი:

• ვინ უნდა დაიკავოს პრეზიდენტისა და მთავარი მწვრთნელის პოსტები და რატომ, რა უპირატესობა ექნებათ მათ ამ პასუხისმგებლობის აღებისას?

• ვინ უნდა დატოვოს კლუბი და რატომ?

• ვინ უნდა შეიძინოს “ბარსელონამ”?

• ვინ უნდა დაწინაურდეს “ბარსა ბ–დან”?

• როგორი უნდა იყოს გუნდის სასტარტო შემადგენლობა?

• როგორ უნდა დაიბრუნოს კლუბმა ძველი სათამაშო ფილოსოფია და დიდება.

გაითვალისწინე, რომ შენ მიერ განხილული ყველა ნაბიჯი მაქსიმალურად რეალურად უნდა ჟღერდეს.

კონკურსში მონაწილეობა საიტზე რეგისტრირებულ ყველა მომხარებელს შეუძლია. ამისათვის, თქვენი გეგმა “ბარსამანიას” ფორუმზე უნდა გამოაქვეყნოთ (დააჭირეთ აქ). 

გეგმის გამოქვეყნების შესაძლებლობა გექნებათ ამ წუთიდან – 18 სექტემბრის ჩათვლით. შემდეგ, თქვენს მიერ შემოთავაზებულ ვარიანტებს შორის 5 საუკეთესოს ბარსამანიას მომხმარებლები გამოავლენენ, მათგან ერთ საუკეთესოს კი – საიტის მწერლები.

გამარჯვებულის გამოვლენის დროს მხედველობაში მიიღება რამდენიმე კრიტერიუმი: გეგმის რეალურობა; გუნდში არსებული პრობლემების აღმოფხვრის ხარისხი; ორიგინალურობა…

გამარჯვებულს ჩვენი საიტი საჩუქრად “ბარსელონას” 2020/21 წლების სეზონის მაისურს გადასცემს. 

გისურვებთ წარმატებებს და გმადლობთ, რომ ჩვენს გვერდით ხართ!

როგორ მოხდება საუკეთესო ხუთეულის გამოვლენა?

ფორუმის ყველა პოსტის ბოლოს არის მოწონების ღილაკი, მის გვერდზე კი წერია მოწონენების რაოდენობა. საუკეთესო ხუთეული სწორედ მოწონებების მიხედვით გამოვლინდება. იმ შემთხვევაში, თუ რაოდენობა თანაბარი იქნება, ფინალურ ეტაპზე გადავა მე-5 ადგილთან თანაბარი მოწონებების მქონე ყველა მონაწილე.
ხმის მიცემა გაგრძელდება 25 სექტემბრის ჩათვლით.
გაითვალისწინეთ: დაუშვებელია საიტზე ან საიტს გარეთ თქვენი პროექტისთვის ხმის ბრმად მიცემის თხოვნა. დაშვებულია მოწოდება, რომ გაეცნონ თქვენს პროექტს და სურვილის შემთხვევაში მოიწონონ ის.

* ფორუმზე ხსენებული სტატიის დასაწერი ლინკი (დააჭირეთ აქ).

** ფორუმზე სხვების ნაწერის სანახავი ლინკი (დააჭირეთ აქ).