ერნესტო ვალვერდე: იმედია, "კლასიკო" სეზონის ბოლომდე ჩატარდება
როგორ ჩანს, გადადებული "ელ კლასიკოს" ახალ თარიღთან დაკავშირებით შექმნილმა გაუგებრობამ ერნესტო ვალვერდეც შეაწუხა.
"ბარსელონასა" და "რეალის" დაპირისპირება 26 ოქტომბერს უნდა გამართულიყო, მაგრამ კატალონიის დედაქალაქში მიმდინარე საპროტესტო აქციის გამო, უსაფრთხოების მიზნებიდან გამომდინარე, ესპანეთის ფეხბურთის ფედერაციამ თამაში გადადო და ახალი თარიღის დადგენა კლუბებს დაავალა. "ბარსელონასა" და "რეალს" გადაწყვეტილების მისაღებად ვადა ხვალინდელი დღის ჩათვლით აქვთ. ცნობილია, რომ ორივე გუნდს თამაშის 18 დეკემბერს ჩატარება სურს, მაგრამ ამის წინააღმდეგია ლა ლიგა.
"იმედი მაქვს და დარწმუნებული ვარ, რომ "რეალთან" თამაშს სეზონის ბოლომდე ჩავატარებთ. ისეთი შთაბეჭდილება მექმნება, რომ პოლიტიკურ საკითხებზე შეუთანხმებლობა მოდაშია, მაგრამ იმედი მაქვს, თამაშის თარიღზე შეთანხმება მაინც მოხერხდება." - ერნესტო ვალვერდეს ამ სიტყვებს Sport ციტირებს.
ამ სიახლეზე კომენტარები გათიშულია.
კომენტარები [ 11 ]