უმტიტი: ნეიმარის ტრანსფერში ჩართვა? სასაცილოა

გასულ ზაფხულში გავრცელებული ჭორების მიხედვით, "ბარსელონა" პსჟ-სთან ნეიმარის თაობაზე არსებულ მოლაპარაკების პროცესში სამუელ უმტიტს ჩართვას აპირებდა. საბოლოოდ, ბრაზილიელი ფორვარდი "კამპ ნოუზე" არ დაბრუნებულა.

"ნეიმარის ტრანსფერში ჩართვა? მეცინება, ამ კითხვაზე პასუხიც კი არ გამაჩნია. რაც შეეხება "არსენალზე" გავრცელებულ ჭორებს. ერთ მშვენიერ საღამოს ჩემი მეგობრებისგან შეტყობინება მივიღე: "ანუ, ლონდონში მიდიხარ?". არა, მე "ბარსელონაში" ვრჩები.

კონტაქტი "მეთოფეებთან"? არ ვიცი, დაუკავშირდნენ თუ არა ისინი ჩემს აგენტს, რომელსაც ვუთხარი, რომ სატრანსფერო მოვლენები არ მანაღვლებდა. "ბარსელონაში" თამაშზე ბავშვობიდან ვოცნებობ. გასული წელი ჩემთვის რთული იყო, განსაკუთრებით ტრავმების მხრივ."-ამბობს სამუელ უმტიტი Canal Football News-თან ინტერვიუში.