კატალონიის “ბარსელონას” ლიდერი, ლიონელ მესი მის სპონსორთან, Adidas-თან ინტერვიუს წერს.
კორონავირუსით გამოწვეულ კრიზისზე
“ვფიქრობ, რომ ასეთი პერიოდის გავლას არავინ მოელოდა. ხალხი ამბობდა, რომ გლობალური პანდემია იყო, თუმცა არ წარმომედგინა, მთელ მსოფლიოზე შემზარავი გავლენა თუ ექნებოდა. გაურკვევლობაში ცხოვრება მარტივი არასდროსაა. ჩვენს თავებს გამუდმებით ვეკითხებოდით, თუ როდის დავბრუნდებოდით მინდორზე, როდის შეგვეძლებოდა ვარჯიშის დაწყება… რაც უკვე უკან მოვიტოვეთ, იმაზე ფიქრი არ ღირს, მომავალზე ფიქრის დროა. თავდაპირველად უცნაური იქნება, თუმცა ბოლომდე დასახარჯად მზად ვარ!”
დახურულ კარს მიღმა თამაში
“ამბობენ, რომ ლა ლიგის სეზონი ფანების გარეშე დასრულდება, რაც ჩვენ ბევრი გამოწვევის წინაშე გვაყენებს. თამაშებისათვის იგივენაირად ვემზადებით, თუმცა მართალია, რომ პიროვნულად გულშემატკივრების გარეშე სათამაშოდ უნდა მოვემზადოთ, რაც საკმაოდ უცნაურ გრძნობას იწვევს. თუმცა იმ ყველაფერის ფონზე, რაც მსოფლიოში ხდება, ეს გამონაკლისი მისაღებია.”
ფეხბურთის დაბრუნება
“ფეხბურთის თამაშს ისე განვაახლებთ, თითქოს ყველაფერს თავიდან ვიწყებდეთ. ჩემპიონატის დაწყებამდე მოსამზადებლად საკმარისი დრო გვაქვს. ტექნიკურად თუ შევხედავთ, თითქოს, იგივე სეზონია, თუმცა ვფიქრობ, მოთამაშეები თავს მაინც განსხვავებულად იგრძნობენ. ახლა ისე, როგორც არასდროს, საჭიროა გუნდთან კონტაქტში დავრჩეთ. ჩემს გუნდელებს ყოველდღიურად ვესაუბრები.”
კოპა ამერიკის გადადება
“სამწუხაროა, თუმცა ნორმალური და ლოგიკური. წელს ჩემთვის ერთ-ერთი ყველაზე ამაღელვებელი ტურნირი უნდა ყოფილიყო, მაგრამ გადადების მნიშვნელობა იდეალურად მესმის. ახლა მომავალზე ფიქრი აუცილებელია.”
მხოლოდ შენი იმედი მაქ.
შენს მერე რა გვეშველება.
Midi aba. Shen tu razgarze xar midi xo.
მიდი ლომო მიდი ლიგა და ლა ლიგა უნდა დაგვადებინო