მსოფლიო ფეხბურთის ისტორიაში ერთ-ერთი ყველაზე შთამბეჭდავი სანაკრებო ეპოქა დასრულდა: არგენტინის ეროვნული ნაკრების კაპიტანმა და ყველა დროის საუკეთესო ფეხბურთელმა, ლიონელ მესიმ “ალბისელესტეში” კარიერის დასრულების შესახებ ოფიციალური განცხადება გაავრცელა.
მესიმ გულშემატკივრებს გულახდილი და ემოციური წერილით მიმართა:
“ფინალის შემდეგ გასული დროისა და ბევრი ფიქრის შემდეგ, მინდა ყველას გაცნობოთ, რომ ეროვნულ ნაკრებს ვტოვებ…
ეს იყო გადაწყვეტილება, რომელმაც სული მატკინა და დღესაც მტკივა, მაგრამ მესმის, რომ ამის დრო დადგა. გეფიცებით, ყველაფერი გავიღე – არა მხოლოდ ბოლო წლებში, როცა ყველაფერი მოვიგეთ, არამედ მანამდეც. ყოველთვის ვიბრძოდი და თავს ვწირავდი ამ მაისურისთვის, რათა თქვენთვის სიხარული მომეტანა და ფეხბურთის მეშვეობით არგენტინელობით სიამაყე გეგრძნოთ.
ცოტა რამ რჩება, ეტაპები იხურება და ეს ის ეტაპია, რომელიც ძალიან მტკივა. მიყვარს, მიყვარდა და ყოველთვის მეყვარება ნაკრებში ყოფნა. სრულად დავიცალე, მეტი აღარაფერი მაქვს გასაცემი, თანაც მოდიან შესანიშნავი ბიჭები, რომლებიც აქ ყოფნას იმსახურებენ.
მადლობა ამ 20 წლის განმავლობაში გამოხატული სითბოსთვის. ძალიან მომენატრება მოედნიდან თქვენი შეძახილების მოსმენა. ამიერიდან მეც თქვენნაირი ერთი ჩვეულებრივი გულშემატკივარი ვიქნები – მხარს დავუჭერ და ვუქომაგებ გუნდს გარედან (კარგ დროშიც და განსაკუთრებით ცუდ დროშიც).
მადლობა ჩემს ოჯახს მუდმივი გვერდში დგომისთვის, ამ ულამაზეს, თუმცა რთულ მოგზაურობაში ჩემთან ერთად ყოფნისთვის. მადლობა თითოეულ მწვრთნელს, თანაგუნდელსა და ხელმძღვანელს, ვისთან ერთადაც ეს გზა გავიარე. თან მიმაქვს დაუვიწყარი მოგონებები და ემოციები.
მივდივარ იმ სიმშვიდითა და სიამაყით, რომ ჩემს თანაგუნდელებთან ერთად საოცნებო მომენტები გაჩუქეთ. თქვენთან ერთად ამის განცდა ნამდვილი სიგიჟე იყო. მიყვარხართ!
მადლობა ღმერთს, რომ არგენტინელად გამაჩინა.
წინ, არგენტინა!
*ეს სიტყვები 21 ივლისს, ფინალიდან ორი დღის შემდეგ დავწერე. დღეს, მამაჩემის ამბის შემდეგ, ამ გადაწყვეტილებაში კიდევ უფრო დარწმუნებული ვარ.“
ლიონელ მესიმ არგენტინის ნაკრებთან ერთად მსოფლიო ჩემპიონობა, კოპა ამერიკა (ორჯერ), ფინალისიმა და ოლიმპიური ოქრო მოიგო, რითაც მშობლიურ ქვეყანას ყველა შესაძლო ტიტული მოუტანა და სანაკრებო კარიერა უმაღლეს მწვერვალზე დაასრულა.
ყველაფერი მოიგო რისი მოგებაც შეიძლებოდა, თავისი ფეხბურთში შედარებით მეორე ხარისხოვანი ოლიმპიადა და 20 წლამდელთა მსოფლიოც კიი. მუნდიალების ისტორიაში მეორეა გოლებით, ხოლო გოლი + პასით საერთოდ პირველზეა, სულ ცოტა ხნის წინ ვინ იფიქრებდა ამას?! 😂
წასვლას რაც შეეხება, ძალიან ლოგიკური და დროული იყო, არგენტინისთვის ასე ჯობია, ჯერ ღმერთმა იცის 2030 წელს როგორ კონდიციებში იქნება (თუ საერთოდ ითამაშა იქამდე), და მერე კიდე მესიზე ამხელა დამოკიდებულებით 10 ჯერ მეტად გაუჭირდებოდა არგენტინას, ვიდრე ბოლო მუნდიალზე იწვალა. რაც მეტი დრო ექნებათ მესის გარეშე თამაშის სწავლისთვის მით უკეთესი გუნდი შეუძლიათ დააყენონ 2030 სთვის. კოპა ამერიკაც ახლა რაღად უნდა მესის, ჯობია ეს დროც ახალგაზრდებს დაუთმონ.
მესი ახლა მწვრთნელად ვერ წარმომიდგენია, მარა დიდ ტურნირებში შტაბში თუ იქნება მოტივაცია-მუხტის ამბავში, ძალიან კარგი იქნებოდა.
მოკლედ ჩემთვის სევდიანი საერთოდ არაფერია ამ ამბავში რაა, პირიქით.
მეფე ხარ ლეო მეფე
მადლობა ყველაფრისათვის ლეო🦁🐐🏆🤴
ეჰჰ
ეეე კაროჩე რა. 😔🇦🇷