“ბარსელონამ” ბელგიურ “როიალ ანტვერპენთან” ალვარო კორტესის ტრანსფერზე მიღწეული შეთანხმების შესახებ ოფიციალურად გამოაცხადა.
Mundo Deportivo-ს ცნობით, გარიგება კატალონიურ კლუბს 3.5 მილიონ ევროს მოუტანს. ამასთანავე, “ბარსელონამ” არაგონელი ცენტრალური მცველის მომავალი გაყიდვიდან გარკვეული პროცენტიც დაიტოვა.
ამ ტრანსფერით კორტესმა “ბარსელონაში” გატარებულ 5-წლიან ეტაპს წერტილი დაუსვა. პირველ გუნდში მისი ოფიციალური დებიუტი გასულ სეზონში, 13 მაისს, “ალავესის” წინააღმდეგ გამართულ ლა ლიგის შეხვედრაში შედგა.
გზა “სარაგოსადან” “ბარსა ატლეტიკის” კაპიტნობამდე
ცენტრალური მცველი “ბარსელონას” 2021 წლის ზაფხულში, “რეალ სარაგოსას” აკადემიიდან შეუერთდა და თავდაპირველად “ხუვენილ B”-ში ჩაირიცხა. ერთწლიანი ადაპტაციის შემდეგ, 2022/23 წლების სეზონში ის სათამაშო პრაქტიკისთვის “დამში” (CF Damm) განათხოვრდა, სადაც უმაღლეს ახალგაზრდულ დივიზიონში (División de Honor) ასპარეზობდა.
2023 წელს დაბრუნების შემდეგ მან წინასასეზონო მომზადება “ბარსა ატლეტიკთან” ერთად გაიარა და სარეზერვო გუნდში ოფიციალური დებიუტი 2023 წლის 27 აგვისტოს, პირველ ტურში “ლოგრონიესის” წინააღმდეგ ჩაატარა.
იმ სეზონში ის პარალელურად “ხუვენილ A”-საც ეხმარებოდა (3 მატჩი ლიგაში და 1 შეხვედრა უეფას ახალგაზრდულ ლიგაში). 2024/25 წლების სეზონიდან კი კორტესი “ბარსა ატლეტიკის” ძირითად ბირთვში საბოლოოდ დამკვიდრდა და 30 შეხვედრა ჩაატარა. გასულ სეზონში ის უკვე ჟულიანო ბელეტის გუნდის კაპიტანი გახლდათ.
რთული გზა გაუვლია, სარაგოსადან ბელგიამდე. იქნებ ივარგოს და ცოტა კიდევ მოგვიტანოს პსჟ-ში რო გადავა.