ფრენკი დე იონგი ყველაზე ძვირადღირებული ნახევარმცველების სამეულში მოხვდა

ცნობილმა პორტალმა Transfermarkt-მა მსოფლიოს ყველაზე ძვირადღირებული ცენტრალური ნახევარმცველების რეიტინგი გამოაქვეყნა.

პირველი “ჩელსის” შუახაზელი ნგოლო კანტეა. მისი ღირებულება 80 მილიონ ევროს შეადგენს. იგივე ფასი აქვს “მანჩესტერ იუნაიტედის” ნახევარმცველს პოლ პოგბასაც. შემდეგი “ბარსელონას” ნიდერლანდელი ფეხბურთელი ფრენკი დე იონგია. ის, კანტესთან და პოგბასთან შედარებით, 8 მილიონით ნაკლები, 72 მილიონი ევრო ღირს.

მსოფლიოს 5 ყველაზე ძვირადღირებული ცენტრალური ნახევარმცველი:

• ნგოლო კანტე – 80 მილიონი ევრო
• პოლ პოგბა – 80 მილიონი ევრო
• ფრენკი დე იონგი – 72 მილიონი ევრო
• საულ ნიგესი – 72 მილიონი ევრო
• სერგეი მილინკოვიჩ-სავიჩი – 64 მილიონი ევრო