Tuttosport: "იუვენტუსი" დე ლიხტის გადაბირებას ცდილობს

ჰოლანდიელი მცველი, მატეის დე ლიხტი, დიდი ალბათობით, "ბარსელონაში" ან "პარი სენ-ჟერმენში" გადავა, თუმცა ახლა ტურინის "იუვენტუსიც" გააქტიურდა. ამ ინფორმაციას Tuttosport-ზე დაყრდნობით კატალონიური Sport ავრცელებს. 

პაველ ნედვედი საქმეში პირადად ჩაერთო და მოლაპარაკებებს ფეხბურთელის აგენტ მინო რაიოლასთან აწარმოებს. ის რაიოლას მონაკოში შეხვდება და ეცდება დაარწმუნოს, რომ "იუვენტუსი" დე ლიხტისთვის საუკეთესო ვარიანტია. 

დე ლიხტი შვებულებაშია და როგორც ამბობს, გადაწყვეტილებას დაბრუნების შემდეგ მიიღებს.