ფირმინო "ბარსელონასთან" გამოირიცხა, სალაჰი - საეჭვოა
"ლივერპული" ჩემპიონთა ლიგის 1/2-ფინალში "ბარსელონასთან" გასამართ განმეორებით შეხვედრას სერიოზული დანაკლისით ხვდება. მერსისაიდელთა მთავარმა მწვრთნელმა, იურგენ კლოპმა, კატალონიურ გუნდთან მოედანზე რობერტო ფირმინოს გაყვანა გამორიცხა, მოჰამედ სალაჰის თამაში კითხვის ნიშნის ქვეშ დააყენა.
ფირმინომ "ნიუკასლთან" გუშინ გამართული მატჩი (3:2) კუნთის ტრავმის გამო გამოტოვა და მისი "ბარსელონასთან" თამაშის შანსები ძალიან მცირეა. აღნიშნულ შეხვედრაში ტრავმა მიიღო მერსისაიდელთა კიდევ ერთმა ლიდერმა, სალაჰმა, რომელიც მარტინ დუბრავკასთან შეჯახების შედეგად დაშავდა.
"ფირმინო სამშაბათს თამაშისთვის მზად არ იქნება, შემდეგ კი ვნახოთ.
სალაჰი კარგად იყო, მაგრამ უნდა დაველოდოთ და ვნახოთ, ითამაშებს თუ არა." - აცხადებს კლოპი.
"ბარსელონა" და "ლივერპული" ერთმანეთს სამშაბათს, 7 მაისს დაუპირისპირდებიან.
ამ სიახლეზე კომენტარები გათიშულია.
კომენტარები [ 10 ]