"ბარსელონას" ფსიქოლოგი ანდრეს ინიესტას დეპრესიაზე საუბრობს
"ბარსელონას" ფსიქოლოგმა, ინმა პუჩმა, კლუბის ლეგენდარული ნახევარმცველის, ანდრეს ინიესტას ფსიქოლოგიურ პრობლემებზე ისაუბრა.
"ანდრესს თავისი პრობლემის ზუსტად აღწერა სურდა, რათა ხალხს გაეგო მისი. დეპრესია მხოლოდ მათ არ აქვთ, ვისაც ბერი პრობლემა აქვს. ცხოვრებაში არის გარემოებები, რომლებიც მაშინ იჩენენ თავს, როცა ეს ყველაზე ნაკლებადაა მოსალოდნელი. პროფესიონალი ფსიქოლოგი კი, გეხმარება მათ დაძლევაში." - ციტირებს კლუბის ფლიქოლოგის სიტყვებს Marca.
შეგახსენებთ, რომ გასული წლის ნოემბერში, ანდრეს ინიესტამ, ერთ-ერთ ინტერვიუში აღიარა, რომ მას დეპრესია 2009 წლიდან დაეწყო - "ეს ყველაფერი ტრებლის მოგების შემდეგ დაიწყო. "ჩელსის" წინააღმდეგ საოცარი გოლი გაგაქვს, იგებ ჩემპიონთა ლიგას, იგებ ყველა ტიტულს... და შემდეგ მოდის ზაფხული. თავს ძალიან ცუდად ვგრძნობდი. ფსიქოლოგს დავურეკე და ვუთხარი: "რამეს თუ არ მოვიმოქმედებთ, არ ვიცი რა მოხდება." ჩემს თავს ვერ ვცნობდი." - თქვა ინიესტამ დამძიმებული ხმით.
შეგახსენებთ, რომ 2009 წლის ზაფხულში, "ესპანიოლის" კაპიტანი და ინიესტას კარგი მეგობარი - დანი ხარკე გარდაიცვალა.
ამ სიახლეზე კომენტარები გათიშულია.
კომენტარები [ 4 ]